Beint á efnisyfirlit síðunnar

Á döfinni

28

12.10.2012

Fyrirlestur um Barna- og unglingastefnu ÍSÍ í Þingeyjarsveit

Sviðsstjóri Þróunar- og fræðslusviðs ÍSÍ var með fyrirlestur um stefnu ÍSí í barna- og unglingaíþróttum í Stórutjarnaskóla mánudaginn 8. október síðastliðinn. Fyrirlesturinn var í samstarfi við HSÞ og forystumenn skólans. Í lok fyrirlesturs var opnað fyrir umræður og var mikið rætt um stefnuna, gildi hennar og virkni. Einnig var rætt um íþróttalíf í héraði, möguleika og áherslur.
Nánar ...
12.10.2012

Gullmerki Lífshlaupsins

Gullmerki LífshlaupsinsSautján einstaklingar hafa náð þeim frábæra árangri að fá gullmerki Lífshlaupsins. Þriðjudagurinn 9. október var fyrsti dagurinn sem þátttakendur í einstaklingskeppninni gátu unnið sér inn gullmerki. Til þess að vinna sér inn gullmerki þarf að skrá inn á vef Lífshlaupsins 30 mínútna hreyfingu í samtals 252
Nánar ...
11.10.2012

Lífshlaup framhaldsskólanna hálfnað

Lífshlaup framhaldsskólanna er hálfnað og spennandi keppni í öllum flokkum. Ýmislegt er gert í skólunum að þessu tilefni og var efnt til heilsudags í Borgarholtsskóla þann 4. október . Hefðbundin kennsla féll niður milli kl. 11:30-12:20 en þess í stað gátu nemendur valið ýmsa hreyfingu innan og utan skólans: gönguferð, handbolta, hot jóga, keilu, kattspyrnu, karate, körfubolta, línudans, lyftingar, ratleik, skauta, spinning og zumba. Stjórnendur skólans unnu nemendaráð í reiptogi og nemendur sem sigruðu í sippu- og armbeygjukeppni fengu vegleg verðlaun. Hægt er að fylgjast með stöðu framhaldsskólanna með því að smella hér.
Nánar ...
10.10.2012

Haustfjarnám 2. stigs í þjálfaramenntun

Haustfjarnám 2. stigs í þjálfaramenntunHaustfjarnám 2. stigs þjálfaramenntunar ÍSÍ mun hefjast mánudaginn 22. október nk. og tekur það fimm vikur. Um er að ræða samtals 40 kennslustunda nám og er þátttökugjald kr. 18.000.- Námið er almennur hluti þjálfaramenntunar ÍSÍ og gildir jafnt fyrir allar íþróttagreinar. Það er sjálfstætt framhald náms á 1. stigi þjálfaramenntunar ÍSÍ eða sambærilegs náms, s.s. náms í ÍÞF 1024.
Nánar ...
03.10.2012

Bannlisti WADA 2013

Alþjóða lyfjaeftirlitið (WADA) hefur birt bannlista sinn sem tekur gildi þann 1. janúar 2013. Ekki er um verulegar breytingar að ræða frá listanum sem gildir út þetta ár.
Nánar ...
03.10.2012

17 skólar skráðir til leiks

Lífshlaup framhaldsskólanna hófst í dag, miðvikudaginn 3. október. Nú hafa 17 framhaldsskólar skráð sig til leiks og má búast við spennandi keppni í öllum flokkum. Hægt er að smella hér til þess að fylgjast með árangri skólanna.
Nánar ...
03.10.2012

Haustfjarnám 1. stigs hefst á mánudaginn

Haustfjarnám 1. stigs ÍSÍ í þjálfaramenntun hefst mánudaginn 8. október. Það eru því síðustu forvöð að skrá sig í vinsælt og gott nám en sífellt meiri kröfur eru gerðar til íþróttahreyfingarinnar um menntun íþróttaþjálfara. Þetta nám er allt í fjarnámi og gildir jafnt fyrir allar íþróttagreinar.
Nánar ...
28.09.2012

Kaflaskil í upplýsingastreymi

Það er vert að óska íþróttahreyfingunni á Íslandi til hamingju með nýja heimasíðu ÍSÍ. Það er von mín og vissa að þessi kaflaskil leiði til bætts upplýsingastreymis innan hreyfingarinnar, meiri og betri fréttaflutnings til almennings og síðast en ekki síst betri þjónustu við sambandsaðila, aðildarfélög, einstaklinga og aðra þá sem íþróttahreyfingin sinnir.
Nánar ...
26.09.2012

Lífshlaup framhaldsskólanna

Í dag er lokadagur til þess að skrá skóla til leiks í Lífshlaupi framhaldsskólanna. Hægt verður að skrá þátttakendur til leiks allt til lokadags eða til 16. október. Íþrótta- og Ólympíusamband Íslands í samstarfi við embætti landlæknis og í tengslum við verkefnið Heilsueflandi framhaldsskóla stendur fyrir Lífshlaupi fyrir framhaldsskóla sem fram fer dagana 3.-16. október næstkomandi.
Nánar ...
24.09.2012

Fundur norrænna íþróttasambanda og ólympíunefnda

Fundur norrænna íþróttasambanda og ólympíunefndaÁrlegur fundur norrænna íþróttasambanda og ólympíunefnda var haldinn á Hótel Örk í Hveragerði dagana 13.-16. september sl. Fulltrúar mættu frá Noregi, Danmörku, Svíþjóð, Finnlandi, Grænlandi, Færeyjum og Álandi. Almenn ánægja var með fundinn en þar voru rædd ýmis sameiginleg hagsmunamál íþrótta- og ólympíuhreyfingarinnar á Norðurlöndum.
Nánar ...
24.09.2012

ÍSÍ semur við Advania

ÍSÍ semur við AdvaniaÍþrótta- og Ólympíusamband Íslands hefur samið við Advania um viðamikla rekstrarþjónustu og útvistun á sviði upplýsingatækni. Um er að ræða hýsingu og rekstur Advania á skrifstofukerfum ÍSÍ og vefþjónum Íþróttamiðstöðvarinnar í Laugardal.
Nánar ...