Beint á efnisyfirlit síðunnar

Á döfinni

29

Minsk 2019 - Kári tapaði fyrir Milic

26.06.2019
Kári Gunnarsson keppti í kvöld við Luka Milic frá Serbíu, en um var að ræða þriðja og síðasta leik Kára í riðlakeppni Evrópuleikanna. Leikurinn var mjög jafn og tapaði Kári naumlega fyrstu lotu 20:22. Önnur lota var ekki síður spennandi og endaði 25:23 fyrir Kára og því ljóst að úrslitin mundu ráðast í oddalotu. Í stöðunni 6:11 varð Kári að hætta keppni vegna eymsla í fæti.
 
Í hinum leiknum í sama riðli sigraði Brice Leverdez frá Frakklandi Christian Kirchmayr frá Sviss 22:20, 22:20 en þeir báðir voru fyrir leiki kvöldsins komnir áfram í 16 manna úrslit. Mótið heldur áfram á morgun og því lýkur á sunnudag, eða sama dag og lokahátíð Evrópuleikanna fer fram.

Myndir með frétt