Fjölmennt fjarnám 1. stigs ÍSÍ í þjálfaramenntun
08.10.2014Haustfjarnám ÍSÍ á 1. stigi þjálfaramenntunarinnar er nú komið í fullan gang með yfir 40 nemendum sem koma frá hinum ýmsu íþróttagreinum og eru búsettir mjög víða á landinu. Meðal íþróttagreina sem nemendur eru að þjálfa eða ætla að þjálfa eru sund, karate, dans, körfuknattleikur, skíði, frjálsíþróttir, taekwondo, rathlaup og íslensk glíma. Miklar umræður skapast gjarnan á spjallsvæði námsins þar sem nemendur deila þekkingu sinni og ýmsum atriðum í náminu. Námið tekur átta vikur og verður því þar með lokið vel fyrir jólamánuðinn. Fjárnám ÍSÍ á 1. 2. og 3. stigi þjálfaramenntunarinnar verður aftur í boði á vorönn 2015 og mun líklega hefjast í febrúar.