Beint á efnisyfirlit síðunnar

Á döfinni

27

Reglugerð framlengd um tvær vikur

09.12.2021

Reglugerð um takmörkun á samkomum vegna farsóttar nr.1266/2021 sem átti að falla úr gildi í gær, þann 8. desember, var framlengd um tvær vikur. Reglur sérsambanda gilda því óbreyttar áfram næstu tvær vikurnar.

Leiðbeiningar um smitrakningu í íþróttahreyfingunni má finna hér. Leiðbeiningarnar hafa breyst frá því að þær voru fyrst birtar á heimasíðu ÍSÍ en breytingin varðar lengd á sóttkví. Áður þurftu einstaklingar sem hafa átt í samskiptum við smitaðan einstakling að fara í 7 daga sóttkví og svo í PCR próf en sá tími hefur verið styttur niður í 5 daga.

Varðandi smitrakningu þá hefur ÍSÍ verið beðið um að koma því áleiðis til íþróttahreyfingarinnar að ef upp kemur smit hjá íþróttafélagi er mikilvægt að félagið upplýsi skólana í hverfinu um smitið. Mikilvægt er fyrir íþróttafélögin að vera í góðu samstarfi við nærumhverfið, t.d. skóla og bæjarfélög þegar við á.

Íþrótta- og Ólympíusamband Ísland hvetur alla til þess að gæta vel að persónubundnum sóttvörnum áfram ásamt því að huga að líkamlegri og andlegri heilsu með því að hreyfa sig reglulega. Á heimasíðu ÍSÍ undir #Verumhraust má finna hugmyndir af æfingum sem hægt er að gera næstum því hvar sem er.