Beint á efnisyfirlit síðunnar

Á döfinni

29

Góð þátttaka í Sjóvá Kvennahlaupi ÍSÍ í dag

13.06.2020

Sjóvá Kvennahlaup ÍSÍ fór fram í dag, í 31. sinn. Frábært hlaupaveður var víðast hvar um landið og þátttakendur geisluðu af orku og krafti. Góð þátttaka var í hlaupinu í dag en gera má ráð fyrir að um 8.000 konur hafi tekið þátt á hátt í 70 stöðum um allt land. Að vanda var boðið upp á mismunandi vegalengdir eða allt frá 900 m upp í 10 km. Mikil og góð stemning var hjá þátttakendum, ungum sem öldnum og gleði og kátína skein úr hverju andliti. Þátttakendur á öllum aldri komu saman og áttu skemmtilega stund þar sem sumir hlupu en aðrir gengu.

Hér má sjá myndir frá Kvennahlaupinu í Garðabæ í dag og fleiri myndir munu koma inn þar frá fleiri stöðum eftir helgi.

Myndir með frétt